وسطی کشمیر کے ضلع گاندربل میں فوج کی آسام رائفلز کے 34 آرآر یونٹ نے کنگن اور نارہ ناگ کے باشندوں، پنچ اور سرپنچ صاحبان کے ساتھ ’’جل شکتی ابھیان‘‘ کے تحت آبی ذخائر کو صاف ستھرا رکھنے کی پہل کرتے ہوئے نارہ ناگ میں صفائی کا آغاز کیا۔
اس مہم کے تحت ضلع گاندربل کے نارہ ناگ مقام پر ’’برم سر نالہ‘‘ کی صفائی کی گئی۔ صفائی کے دوران آبی ذخائر سے پلاسٹک تھیلوں اور بوتلوں سمیت دیگر کوڑے کرکٹ کو ہٹایا گیا۔
ہم آپ کو بتا دیں کہ برم سر نالہ مہلش اور ہرموکھ پہاڑوں سے گزر کر نارہ ناگ گاؤں سے ہوتے ہوئے نالہ سندھ میں جا ملتا ہے۔ اگر چہ برم سر نالہ صاف پانی کا ایک ذخیرہ ہے تاہم اس میں کئی مقامات پر پلاسٹک سمیت دیگر اشیاء کے سبب پانی آلودہ ہونے کے درپے ہے۔
مزید پڑھیں: گاندربل: صفاپورہ میں تیندوے کی موجودگی سے عوام میں خوف
واضح رہے کہ حکومت کی جانب سے آبی ذخائر کی شان رفتہ بحال کرنے اور ان کی صفائی ستھرائی انجام دیے جانے کے احکامات صادر ہونے کے ساتھ ہی جموں و کشمیر کے مختلف اضلاع میں چشموں، ندی نالوں سمیت مختلف آبی ذخائر کی صفائی مہم انجام دی جا رہی ہے۔
مقامی باشندوں نے فوج کی جانب سے کی گئی پہل کی سراہنا کی جا رہی ہے۔
