جموں و کشمیر، ضلع گاندربل کے سہہ پورہ میں سی آر پی ایف کی 115 بٹالین کی جانب سے انڈور اسٹیدیم میں یک روزہ مفت طبی کیمپ کا انعقاد کیا گیا۔
گاندربل: سی آر پی ایف کی جانب سے میڈیکل کیمپ کا انعقاد
طبی کیمپ میں سی آر پی ایف اور محکمہ صحت کشمیر کے ڈاکٹروں نے مریضوں کا علاج کیا، اس دوران مریضوں کا مفت میں ٹیسٹ کیا گیا اور مفت میں دوایاں بھی تقسیم کی گئی۔
مقامی لوگوں نے سی آر پی ایف کے ڈاکٹروں کا شکریہ ادا کرتے ہوئے یہ گزارش کی ہے کہ علاقے کے نزدیکی گاؤں میں بھی اسی طرح کا کیمپ منعقد کرکے غریب مریضوں کی بھی خدمت کی جائے۔
غور طلب ہے کہ سی آر پی ایف اگرچہ کشمیر میں عسکریت پسندی کو ختم کرنے میں فوج اور پولیس کے ساتھ شانہ بشانہ کام کر رہے ہیں تاہم اس طرح کی خدمات بھی انجام دے کر انسانی ہمدردی کا بھی ثبوت دے رہے ہیں۔
