نیشنل کانفرنس کے سینئر لیڈر شیخ اشفاق نے وسطی کشمیر کے ضلع گاندربل میں شیعہ اکثریتی علاقوں کا دورہ کیا۔
دورے کے دوران انہوں نے ضلع انتظامیہ سے شیعہ اکثریتی علاقوں خصوصا ڈب، شالہار اور ٹھوکر پورہ میں محرم الحرام کے متبرک ایام میں عزاداروں کے لیے انتظامات کو یقینی بنائے جانے کی مانگ کی۔
انہوں نے محرم کے ایام میں شیعہ اکثریتی علاقوں میں بجلی اور پانی کی بلا خلل سپلائی کو یقینی بنائے جانے کی مانگ کی، وہیں انہوں نے صاف صفائی کا خیال رکھے جانے پر بھی زور دیا۔
شیخ اشفاق نے شیعہ اکثریتی علاقوں کے مذہبی رہنمائوں اور اوقاف ممبران سے ملاقات کرکے انہیں پورا تعاون دینے کی بھی یقین دہانی کی۔
مزید پڑھیں؛ گاندربل: عزادارانِ محرم الحرام کی تیاریوں میں مصروف
این سی لیڈر نے انتظامیہ سے فوری طور سڑکوں کی مرمت کے علاوہ اسٹریٹ لائٹس نصب کیے جانے کی بھی اپیل کی۔
نیشنل کانفرنس لیڈر نے محرم الحرام کے دوران کورونا وائرس کو پھیلنے سے روکنے کے لیے وضع کیے گئے رہنما خطوط کی پاسداری پر عمل کرنے کی بھی تلقین کی۔
