گاندربل میں ڈاریکٹوریٹ آف رورل سینیٹیشن کے افسران نے صفاپورہ کے علاقے میں اپنی ٹیم کے ہمراہ گھر گھر جاکر لوگوں کو صفائی کے بارے میں جانکاری دی۔
اس موقع پر لوگوں کو سوچھ بھارت مشن کے بارے میں تفصیل سے سمجھایا گیا کہ کس طرح سے اپنے ارد گرد کے ماحول کو صاف رکھا جائے، تاکہ بستی کے لوگ انفکشن سے محفوظ رہیں۔
اس موقع پر مقامی لوگوں نے محکمہ رورل سینیٹیشن کا شکریہ ادا کیا اور علاقے میں مزید کیمپ لگانے کے لئے محکمہ سے گزارش کی ہے تاکہ علاقے کو مزید خوبصورت رکھا جائے۔
یہ بھی پڑھیں: ضلع گاندربل: ’طبی مرکز میں ایک ڈاکٹر کثیر آبادی کے لیے ناکافی‘
اس موقع پر نمائندے کے ساتھ بات کرتے ہوئے لکشمی کانت شندے جو کہ مہاراشٹر کے رہنے والے ہیں اور اس علاقے میں آئی ہوئی مرکزی ٹیم کی قیادت کر رہے ہیں، نے کہا کہ 'ایس بی ایم کے تحت ہم مرکزی سرکار کے کہنے پر ہم یہاں آئے ہیں۔ ہم یہ جانکاری کیمپ جموں میں کر چکے ہیں اور اب آج یہاں پر کر رہے ہیں۔ اس میں ہم لوگوں کو جانکاری دے رہے ہیں کہ کس طرح سے گیلے اور سوکھے کچرے کو ٹھکانے لگا سکتے ہیں۔
