جموں و کشمیر، ضلع گاندربل کے علاقہ کنگن سے 10 کلومیٹر کی مسافت پر واقع چھترگل کے علاقے کی رابطہ سڑکوں کی خستہ حالی کی وجہ مقامی لوگوں کو کافی مشکلات کا سامنا کرنا پڑرہا ہے۔
چھترگل علاقے کی رابطہ سڑک پر آج تک تارکول نہیں بچھایا گیا، جس کی وجہ سے سڑکوں کی حالت خراب ہو گئی ہے اور جگہ جگہ گہرے گڑھے بھی ہوگئے ہیں، جبکہ گزشتہ برس بابا نگری کی طرف جانے والی سڑک پر تارکول بچھایا گیا ہے جس سے دیگر سڑکوں پر تارکول بچھانے کی امید جاگی تھی مگر لوگوں کی امیدوں پر پانی پھیر دیا گیا۔
مقامی لوگوں کا کہنا ہے کہ پچھلے دس برس سے متعدد سیاسی رہنماوں نے اور انتظامیہ کی جانب سے سڑک کو ٹھیک کرنے کا دعویٰ تو کیا جاتا رہا ہے لیکن ان کے دعوے ابھی تک زمینی سطح ہر نافذ نہیں ہوسکے ہیں۔
انھوں نے مزید کہا کہ چھترگل کی سڑک خستہ حال ہونے سے گاؤں میں کوئی سواری گاڑی بھی نہیں آتی ہے، جس کی وجہ مقامی لوگوں کو اس وقت کافی زیادہ مشکلات کا سمانا کرنا پڑتا ہے جب کسی مریض کو اسپتال لے جانے کی ضرورت پڑتی ہے۔
مقامی لوگوں نے نائب کمشنر گاندربل اور ایل جی انتظامیہ سے سڑکوں کی جلد از جلد مرمت کرانے کی گزارش کی ہے، تاکہ ان کو مشکلات سے نجات مل سکے۔
