ڈی ڈی سی چیئر پرسن گاندربل نے ترقیاتی منصوبوں کا جائزہ لیا

ڈسٹرکٹ ڈیولپمنٹ کونسل کی چیئر پرسن نزہت اشفاق نے علاقہ ولی وار میں سڑکوں پر بچھائے جارہے میکڈم اور دیگر ترقیاتی منصوبوں کا جائزہ لیا۔

ضلع گاندربل کے علاقوں کی بیشتر سڑکیں پچھلے برسوں سے خستہ حالی کا شکار ہیں، جن پر محکمہ تعمیرات عامہ کی جانب سے میکڈیم بچھانے کا عمل شروع کردیا گیا ہے۔

اس ضمن میں شہامہ، آلسٹینگ، باکورہ، ناگہ بل کھمبر کی سڑکوں پر میکڈم بچھایا جارہا ہے جبکہ ضلع گاندربل کے کئی علاقوں کی سڑکیں بھی خستہ حال ہوچکی ہے اور ان پر میکڈیم بچھانے کی اشد ضرورت ہے۔ اس موقع پر محکمہ تعمیرات عامہ کے چیف انجینئر، سپرٹینڈنٹ انجینئر، ایگزیکٹو انجینئر سمیت دیگر افسران بھی موجود رہے۔ انہوں نے ولی وار میں بھی سڑکوں پر جاری میکڈم عمل کا جائزہ لیا۔ڈسٹرکٹ ڈیولپمنٹ کونسل کی چیئر پرسن نزہت اشفاق نے کہا کہ 'ولی وار کے لوگوں کو کافی مشکلات کا سامنا تھا اور میں محکمہ تعمیرات عامہ کی شکر گزار ہوں جنہوں نے نہ صرف ولی وار بلکہ دوسرے علاقوں کی بھی خستہ حال سڑک پر میکڈم کرایا۔