ولی وار آتشزدگی واقعہ: متاثرین سے نزہت اشفاق اور شیخ اشفاق کی ملاقات

ڈی ڈی سی چیر پرسن گاندربل نزہت اشفاق اور سابق رکن اسمبلی گاندربل شیخ اشفاق جبار کی جانب سے ولی وار کے آگ متاثرین میں امداد تقسیم کرکے متاثرین کے ساتھ اظہارِ ہمدردی کی گئی۔

سرینگر میں ڈی ڈی سی چیر پرسن گاندربل نزہت اشفاق اور سابقہ ممبر اسمبلی گاندربل شیخ اشفاق جبار نے گزشتہ روز لار تحصیل کے ولی وار علاقے میں بھیانک آتشزدگی کی وجہ سے متاثر ہوئے افراد کی فوری بازآبادکاری کرنے کا مطالبہ کیا۔

نزہت اشفاق اور شیخ اشفاق جبار کی جانب سے متاثرین میں امداد تقسیم کی گئی جس میں چاول، آٹا و دیگر سامان شامل تھا۔ 19 اپریل کو ہوئے آتشزدگی کے واقعہ میں 3 مکانات جل کر خاکستر ہوگئے۔ ڈی ڈی سی چیرپرسن اور سابق رکن اسمبلی نے اس واقعہ پر گہرے دکھ کا اظہار کیا۔

دونوں رہنماؤں نے حکومت سے متاثرین کی فوری بازآبادکاری کےلیے جنگی پیمانہ پر اقدامات کرنے کا مطالبہ کیا۔ انہوں نے ضلع ترقیاتی گاندربل اور دیگر حکام سے ٹیلی فون پر رابطہ کرکے متاثرین کی فوری امداد کرنے کی اپیل کی۔