گاندربل: برفباری سے متاثر علاقے میں بجلی، پانی کی فراہمی کو یقنی بنانا لازمی

ڈی سی نے مختلف علاقے کا دورہ کر جائزہ لیا اور عہدیداران کو ہدایات دیں۔

جموں و کشمیر کے ضلع گاندربل میں بھاری برفباری کے دوران علاقے میں لوگوں کو سہولیات پہنچانے کے لئے انتظامیہ نے کئی اہم فیصلے لئے ہیں۔ اس دوران گاندربل کے ڈپٹی کمشنر شفقت اقبال نے آج صلع سڑکوں سے برف ہٹانے، بجلی اور پانی کی سپلائی یقینی بنانے اور طبی سہولہات بہم پہنچانے کے متعلق احکامات جاری کئے ہیں۔ اس کے علاوہ صارفہن کو راشن، رسوی گیس اور اشیاء خوردنی وافر مقدار میں فراہم کرنے کے احکامات بھی جاری کئے گئے ہیں۔

ڈی سی گاندربل نے مختلف محکموں کے افسران کے ہمراہ لار، واکورہ، ڈب، کنگن اور صدر مقام کے مین بازروں کا بھی دورہ کر جائزہ لیا۔ انہوں نے مین رابطہ سڑکوں کے ساتھ ساتھ اندرونی سڑکوں سے برف ہٹانے اور انہں قابل آمد رفت بنانے کو کہا ہے۔