کنگن میں کمسن بچی پانی میں ڈوب کر ہلاک

گاندربل کے سمبل کنگن میں اس وقت ماتم سا چھا گیا جب ایک کمسن بچی پانی میں ڈوب کر ہلاک ہو گئی۔

جموں و کشمیر کے ضلع گاندربل کے سمبل کنگن میں ایک کمسن بچی پاور کنال میں ڈوب کر ہلاک ہو گئی۔اس واقعے کی خبر پھیلتے ہی علاقے میں ماتم سا چھا گیا

اطلاعات کے مطابق ایک کمسن بچی کو پانی میں بہتے ہوئے چند مقامی لوگوں نے دیکھا جس کے بعد اُنہوں نے شور و غل مچایا اور آس پاس کے لوگوں کو بھی اطلاع دی۔

پولیس ذرائع نے بتایا کہ پولیس اور ایس ڈی آر ایف کی ایک مشترکہ ٹیم جائے وقوع پر پہنچی اور کسمن بچی کی لاش کو برآمد کیا گیا۔

ذرائع نے بتایا کہ کسمن بچی کی شناخت منزہ جان ولد بشیر احمد کے طور پر ہوئی ہے اور سمبل گنڈ کی رہنے والی ہے۔