وادی کشمیر میں آوارہ کتوں کی بڑھتی تعداد پر قابو پانے کے لیے ان کی نس بندی کا عمل شروع کیا گیا ہے۔
وادی کشمیر میں آوارہ کتوں کی آبادی میں بے تحاشہ اضافہ ہونے کے بعد عوام کی جانب سے کتوں کی آبادی کو کنٹرول کیے جانے کا مطالبہ کیا جا رہا تھا۔ سرینگر میونسپل کارپوریشن نے آوارہ کتوں کو پکڑ کر شہامہ ویٹرنری کالیج پہنچانا شروع کر دیا ہے، جہاں ان کی نس بندی کرکے انہیں واپس اپنے علاقوں میں پہنچایا جاتا ہے۔
ویٹرنری کالج میں تعینات ڈاکٹروں کا کہنا ہے کہ آوارہ کتوں کی نس بندی کے علاوہ انکی ویکسینیشن بھی کی جاتی ہے۔
قابل ذکر ہے کہ وادی کشمیر میں آوارہ کتوں کے انسانوں پر حملوں میں کافی اضافہ ہوا ہے ان حملوں میں بعض افراد شدید زخمی ہو جاتے ہیں جبکہ بعض کی موت بھی واقع ہو جاتی ہے، ایسے میں عوامی حلقوں نے شہامہ ویٹرنیری کالج میں نس بندی اور سٹرلائزین کا عمل شروع کیے جانے کی کافی ستائش کی ہے۔
