وسطی کشمیر کے ضلع گاندربل کے ہاری گنوان علاقہ میں چودہ سالہ کمسن لڑکا اس وقت ڈوب کر ہلاک ہو گیا جب وہ اسی علاقہ سے بہہ رہی کنال میں اپنے دوستوں کے ساتھ نہانے کے لیے اترا تھا۔
گاندربل: کنال میں ڈوبنے سے لڑکا ہلاک
عینی شاہدین کے مطابق اس دوران وہ پانی کے تیز بہاؤ کی وجہ سے وہ غرقاب ہو گیا۔ مقامی لوگوں اور پولیس کی مدد سے لڑکے کو نہر سے بازیاب کیا گیا لیکن تب تک وہ جاں بحق ہو گيا تھا۔
مذکورہ بچے کی شناخت آصف احمد کسانا ولد محمد لطیف کسانہ، ساکنہ ہریگنیون کنگن کے طور پر ہوئی ہے۔
اس واقعہ کے بعد علاقہ میں ماتم کی لہر دوڑ گئی ہے۔ پولس نے معاملہ کے متعلق کیس درج کر کے تحقیقات شروع کردی ہے۔
