جموں کے ضلع ڈوڈہ کے گندنہ علاقہ میں گزشتہ شب آگ کے ایک ہولناک حادثے میں دو دکانیں خاکستر ہوئی ہیں۔
تفصیلات کے مطابق آگ گزشتہ شب کھانڈے پورہ گندنہ کے رہائشی بشیر احمد ولد غلام رسول کی دکانوں میں لگ گئی۔
عینی شاہدین کے مطابق آتشزدگی کا حادثہ فوجی کیمپ کے نزدیک ہوا، جس نے چند منٹوں کے اندر تباہی مچا دی۔ آگ کے فلک گوش شعلوں نے کسی کو بھی سنبھلنے کا موقع نہیں دیا۔
آگ کی خبر پھیلتے ہی مقامی لوگوں کے علاوہ فوج کے جوانوں نے جائے حادثہ پر پہنچ کر مزید آگ کو پھیلنے سے روکا۔ آگ متاثرہ شخص کے مطابق اُن کو یہ دکانیں تعمیر کرنے میں ایک لاکھ سے زائد خرچ آیا تھا۔ جبکہ آگ کی وجہ سے دکان میں رکھا لاکھوں کا سامان خاکستر ہو گیا۔
فوج کے ایک آفیسر نے بتایا کہ آگ متاثرہ شخص کو فوج کی طرف سے معاوضہ بھی دیا جائے گا۔ حالانکہ دونوں دکانیں کریانہ کی تھی جس میں پانچ سے چھ لاکھ کا سامان تھا۔ تاہم دکانوں میں لگی آگ کی وجہ معلوم نہ سکی ہے۔
یہ بھی پڑھیں: ڈوڈہ میں روزگار میلے کا انعقاد
