ڈائریکٹوریٹ آف ٹورازم Directorate of Tourism کی جانب سے ضلع انتظامیہ، بھدرواہ ڈیولپمنٹ اتھارٹی اور انڈین آرمی چار آر آر بھدرواہ کے اشتراک سے جئی گھاٹی میں سہ روزہ سرمائی میلہ کا انعقاد کیا گیا۔
بھدرواہ میں تین روزہ سرمائی کارنیول میلہ اختتام پذیر
افتتاحی تقریب کے موقع پر جموں و کشمیر کے مختلف علاقوں کے علاوہ جموں یونیورسٹی کے طلباء و طالبات نے شرکت کی۔ پہلے روز اسنو اسکیئنگ، ثقافتی سرگرمیوں جیسے کئی پروگرام منعقد کیے گئے۔ اس میلے کا مقصد بھدرواہ میں سیاحت کو فروغ دینا ہے جو کووڈ 19 کی وجہ سے روک دیا گیا تھا۔
ضلع ترقیاتی کونسل کے چیئرمین دھنہتر سنگھ نے ڈی سی ڈوڈہ وکاس شرما، سی ای او بی ڈی اے اور بھارتی فوج اور سول انتظامیہ کے عہدیداروں کے ہمراہ تقریب کا افتتاح کیا۔
واضح رہے کہ یہ سرمائی میلہ جمعہ کے روز شروع ہوا اور اتوار کے روز اختتام کو پہنچا۔
