ڈوڈہ: چار ماہ بعد کھیل کود کی سرگرمیاں بحال

جموں و کشمیر کے ضلع ڈوڈہ میں ہُنر مند نوجوانوں کو کھیل کود کے میدان میں آگے بڑھانے کی غرض سے محکمہ یوتھ سروسز اینڈ اسپورٹس ڈوڈہ کی جانب سے بوائز کیٹیگری میں کرکٹ، کھو کھو، والی بال، فٹ بال اور بیڈمنٹن کے شعبہ جات میں ٹرائل کم سلیکشن کا انعقاد کیا گیا۔

کووڈ-19 وبا کے پیش نظر ڈوڈہ اسپورٹس اسٹیڈیم کو بھی بند رکھا گیا تھا اس دوران کسی بھی قسم کے کھیل کود کی اجازت نہیں تھی۔ ضلع انتظامیہ نے چار ماہ بعد اپنے جاری کردہ ایس او پیز پر سختی سے عمل درآمد کرکے ٹرائل کم سلیکشن کا سلسلہ شروع کیا۔

افتتاحی تقریب میں مقررین نے کھیل کود کی سرگرمیوں اور اس کے ذریعے بہتر مستقبل پر روشنی ڈالی۔ اس مقابلے میں مختلف تعلیمی اِداروں کے تقریبا 50 طلباء نے حصہ لیا۔ منتخب کھلاڑیوں کو بین ژونل ڈسٹرکٹ سطح کے مقابلے میں حصہ لینا ہے۔

بوائز سیکشن میں ٹرائل کم سلیکشن نوجوانوں کی خدمات اور محکمہ کھیل کے ماہرین کے تکنیکی پینل کے ذریعہ کیا جارہا ہے۔