ملک بھر میں کورونا وائرس کی وجہ سے لگے لاک ڈاؤن کے طویل عرصہ کے بعد آج ڈوڈہ کے نواحی علاقہ فرقان آباد گھاٹ ہائر سکینڈری اسکول میں بھی آج بارہویں جماعت کے امتحان کا سلسلہ شروع ہو گیا۔ ضلع بھر میں کورونا وائرس کے بڑھتے معاملات کے بعد ایک طرف قصّبہ ڈوڈہ میں سخت بندشیں عائد کی گئی ہیں تو وہیں ضلع کے دیہی علاقوں میں تمام سرگرمیاں بحال کر دی گئی ہیں۔
ڈوڈہ میں طویل عرصہ کے بعد اسکولوں میں رونق لوٹ آئی
آج بارہویں جماعت کے اُرددو مضمون کا پہلا پرچہ تھا۔ جس دوران طلباء نے ایس او پیز کی مکمل پاسداری کرتے ہوئے سماجی فاصلہ اور چہرے پر ماسک پہن رکھے تھے۔ طلباء نے سکول کھلنے کا خیر مقدم بھی لیکن کم رفتار انٹرنیٹ پر شدید ناراضگی کا اظہار کرتے ہوئے کہا کہ تیز رفتار انٹرنیٹ نہ ہونے کی وجہ سے اُن کو آن لائن تعلیم حاصل کرنے میں شدید مشکلات کا سامنا کرنا پڑا۔ اور اس کا اثر اُن کی تعلیم پر پڑا ہے۔
