ڈوڈہ میں منعقدہ اس میٹنگ میں بتایا کہ این آئی ڈی پروگرام کے دوران 0 سے 5 سال تک کے 70،790 بچوں کو ضلع ڈوڈہ میں 17 جنوری سے پولیو کے قطرے پلائے جائیں گے۔
اے ڈی سی کو مطلع کیا گیا ہےکہ اس مقصد کے لیے 17 جنوری کو پورے ضلع میں 523 پولیو بوتھ قائم کیے جائیں گے۔ 18 اور 19 جنوری کو گھر گھر جاکر بچوں کو پولیو کے قطرے پلائے جائیں گے۔
موسم خراب ہونے کی صورت میں پولیو مہم میں سات دن تک توسیع کی جاسکتی ہے ۔اس عمل کے لیے کُل 105 سپروائزر آئی پی پی آئی بوتھس کی نگرانی کے لیے مصروف عمل ہیں اور 46 ایسے علاقوں کی نشاندہی کی گئی ہے جہاں پہنچنا مشکل ہے ۔
جس میں مختلف محکموں کے عہدیداروں کی مناسب تعیناتی کے علاوہ نگران ٹیمیں، آنگن واڑی کارکنان کے ساتھ 2،124 صحت کارکنوں کی خدمات، آشا کارکنان اور محکمہ تعلیم کے ملازمین کو بھی حفاظتی ٹیکہ کاری میں مناسب کارکردگی اور نگرانی کے لیے تعینات کیا گیا ہے۔
سی ایم او ڈوڈہ نے اے ڈی سی کو مانیٹرنگ پلان کے بارے میں بھی آگاہ کیا ہے جس کے تحت ضلع ڈوڈہ کو پانچ زون ٹھاٹھری گندوہ، عسّر، گھٹ اور بھدرواہ میں تقسیم کیا گیا ہے۔
