ڈی ڈی سی انتخابات: تیسرے مرحلے کے لئے افسران کی میٹنگ منعقد

ٹرینر نے ڈیوٹی مجسٹریٹ کو بتایا کہ وہ انتخابی عمل کے دوران ضلع الیکشن اتھارٹی کے ساتھ نزدیکی رابطہ رکھیں اور ہر صورتحال کے متعلق جانکاری دیتے رہیں اور امن قانون ووٹنگ کے دوران متحرک رہیں۔ اس کے علاوہ وقت پر ووٹنگ کی شرح و دیگر معلومات کو متعلقہ حکام تک بھیجتے رہیں۔

جموں و کشمیر میں تیسرے مرحلے کے تحت منعقد ہونے والے ڈی ڈی سی و ضمنی پنچائتی انتخابات کے آزادانہ اور منصفانہ انعقاد کے لئے ضلع پنچائت الیکشن افیسر ڈوڈہ کی ہدایات پر ڈسٹرکٹ الیکشن اتھارٹی نے تیسرے مرحلے کے لئے تعینات کئے گئے زونل، سیکٹورل مجسٹریٹ، مائکرو ابزرور کے لئے میٹنگ ہال ڈی سی آفس ڈوڈہ میں میٹنگ کا انعقاد کیا۔

میٹنگ کے دوران ماسٹر ٹرینر نے زونل و سیکٹورل مجسٹریٹ کو انتخابی عمل میں اُن کی ذمہ داریوں اور کردار کے متعلق آگاہی فراہم کی گئی۔

اُنہوں نے الیکشن کمیشن آف انڈیا کی طرف سے جاری کردہ ہدایات پر عمل کرنے کی تلقین کی۔

ٹرینر نے ڈیوٹی مجسٹریٹ کو بتایا کہ وہ انتخابی عمل کے دوران ضلع الیکشن اتھارٹی کے ساتھ نزدیکی رابطہ رکھیں اور ہر صورتحال کے متعلق جانکاری دیتے رہیں اور امن قانون ووٹنگ کے دوران متحرک رہیں۔ اس کے علاوہ وقت پر ووٹنگ کی شرح و دیگر معلومات کو متعلقہ حکام تک بھیجتے رہیں۔

زونل مجسٹریٹوں کو بتایا گیا کہ وہ انتخابی ضابطہ اخلاق کی مکمل عمل آوری اور کووڈ-19 کے رہنما خطوط کی پاسداری کو یقینی بنانے کے لئے ہر ممکن کوشش کریں تاکہ کسی کی جان کو خطرہ نہ ہو۔

مائکرو ابزرور کو انتخابی عمل صاف شفاف طور انجام دینے کے لئے تمام تر معلومات کو الیکشن ابزرور تک پہنچانے کی ہدایات دی گئی۔