آج دوپہر ضلع ڈوڈہ کے کھیلنی مرمت روڈ پر سڑک کے ایک حادثے میں دو افراد فوت ہوئے۔ سڑک کا یہ حادثہ قصبہ ڈوڈہ سے قریب پچیس کلومیٹر جنوب میں حمبل کے مقام پر اس وقت ہوا جب کھیلنی سے گوہا جانے والا ایک ٹپر سڑک سے اتر کر حمبل نالے میں جا گرا۔
حادثے کے فوراً بعد جائے واردات پر پہنچنے والے افراد کے مطابق حادثے کے وقت ٹپر میں سوار دو افراد موقع پر ہی ہلاک ہوئے تھے۔ بتایا جاتا ہے کہ حادثہ سڑک کی خرابی کی وجہ سے ہوا۔ اطلاعات کے مطابق حادثے کے بعد مقامی لوگ حادثے کی جگہ جمع ہوئے اور نعرہ بازی شروع کی۔
یہ بھی پڑھیں: ڈوڈہ: پُل نہ ہونے سے عوام کو مشکلات
احتجاجی مظاہرین کا کہنا ہے کہ حادثے کی جگہ مرمت کا کام شروع کیا گیا تھا لیکن چند روز قبل محکمہ نے نامعلوم وجوہات کی بنا پر کام روک دیا تھا۔ عوام نے اس سڑک پر آئے روز ہونے والے سڑک حادثوں پر تشویش کا اظہار کیا ہے۔
