ڈوڈہ میں بھی مہا شیوراتری کا تہوار منایا گیا

جموں و کشمیر کے پہاڑی ضلع ڈوڈہ میں بھی مہاشیوراتری کا تہوار جوش و خروش کے ساتھ منایا گیا۔

صبح سے ہی عقیدت مندوں نے شیو مندروں کا رُخ کیا اور پھول کی مالائیں چڑھائیں۔ عقیدت مندوں نے اس موقع پر جموں و کشمیر اور ملک کی سلامتی کے لئے خصوصی دعائیں مانگی۔ شیوارتری، جسے 'ہیراتھ' کے نام سے بھی جانا جاتا ہے۔ یہ تہوار کشمیری پنڈت برادری میں خاص اہمیت رکھتا ہے۔ پنڈت برادری کئی ہفتوں تک اس تہوار کو مناتی ہے۔

جشن کے دوران، وہ مچھلی اور سبزیوں کے خصوصی پکوان تیار کرتے ہیں اور اس دن کو خاص ناموں کے ساتھ نامزد کرتے ہیں، تاکہ ہر روز شیو کی پوجا کر سکیں۔

ضلع ڈوڈہ کے شیو مندر نگری کے مندر میں عقیدت مندوں کا سب سے بڑا اجتماع دیکھا گیا، جہاں شیو کے مندر کو پھولوں سے سجایا گیا تھا۔ عقیدت مندوں نے شیو لنگ کو دودھ اور جل (پانی) پیش کیا۔