جموں و کشمیر کے ضلع ڈوڈہ میں حج عازمین کے لیے تربیتی سیشن کا آغاز کیا گیا ہے۔ اس تربیتی سیشن کا آغاز ڈوڈہ کے مسجد شریف آستان میں کیا گیا ہے۔ اس میں 90 سے زائد عازمین نے حصہ لیا۔ اس موقع پر عازمین حج کو اہم جانکاری دی گئی اور انہیں حج کے دوران کئے جانے والے کاموں سے بھی آگاہ کیا گیا۔ Training Sessions For Hajj Pilgrims
اس سلسلے میں جاری کردہ رہنما خطوط کو حجاج کرام کے ساتھ تفصیلی طور پر شیئر کیا گیا۔ اس موقع پر زیارت مدینہ منورہ کے ساتھ ساتھ اہم لاجسٹک انتظامیہ اور عازمین حج کو حج کے سفر کے لیے تیاری کے بارے میں بھی تبادلہ خیال کیا گیا۔ عازمین حج کو مشورہ دیا گیا کہ وہ کووڈ گائیڈ لائن پر سختی سے عمل کریں۔ حج عازمین نے ضلع انتظامیہ اور ریاستی حج کمیٹی کا شکریہ ادا کیا کہ انہوں نے حج کے سفر کو کامیاب بنانے کی کوشش کی ہے۔ Training Sessions For Hajj Pilgrims
