ضلع ڈوڈہ میں بیک ٹو ولیج تیسرے مرحلے کے تحت منعقد پروگرام اختتام پذیر ہوا۔ ضلع بھر کی طرح ہی سب ڈویژن گندوہ کے سبھی بلاکس میں بیک ٹو ولیج پروگرام کامیابی کے ساتھ اختتام پزیر ہوا۔
ایس ڈی ایم گندوہ ڈاکٹر پریتم لال تھاپا کے ہمراہ چیئرمین بی ڈی سی بھلیسہ چوہدری محمد حنیف نے مختلف پنچایتوں کا ایک وسیع دورہ کیا اور عوامی دربار میں شرکت کی اور وہاں عوامی مسائل اور عوامی شکایات سُنی۔
ایس ڈی ایم نے غیر سرکاری تنظیم ایس ایچ سی ٹی کے اشتراک سے مختلف پنچایتوں میں ڈومیسائل سرٹیفکیٹ اور اسپورٹس کٹس، ایوشمان بھارت (پی ایم جے وائی) کارڈ بھی تقسیم کیے۔
یہ بھی پڑھیں: دریا لدر ڈمپنگ سائٹ میں تبدیل
اس موقع پر کئی پنچایتوں میں ایف سی 14 اور بیک ٹو ولیج کے تحت مکمل ہونے والے دیگر کاموں کا بھی افتتاح کیا گیا۔ ایس ڈی ایم اور بی ڈی سی چیئرمین نے پچھلے بیک ٹو ولیج پروگرام میں زبردست شرکت پر سرپنچوں اور پنچوں کی شراکت کی ستائش کی۔
