جموں و کشمیر کے پہاڑی ضلع کشتواڑ کے علاقہ بنجواہ کے پتنازی بی مسلہی گھراٹ نالہ میں دو گاڑیوں کے پلٹ جانے کی وجہ سے علاقے میں لوگ خوفزدہ ہیں۔
ڈوڈہ: بونجواہ کے نالے میں دو گاڑیاں پلٹیں
بھاری بارش کے بعد نالے کے پانی میں اضافہ ہوگیا اور اور پل اور پکی سڑک نہ ہونے کے باعث دو گاڑیاں پانی کی زد میں آگئیں۔ ڈرائیور بچنے میں کامیاب ہو گیا لیکن گاڑی پانی میں پلٹ گئی۔
اس کے بعد مقامی لوگوں نے انتظامیہ کے خلاف احتجاج کرتے ہوئے فوری طور پر علاقے میں پل اور سڑک تعمیر کا مطالبہ کیا۔
مقامی لوگوں نے ضلع انتظامیہ سے مطالبہ کیا ہے کہ پل کی تعمیر کرائی جائے تاکہ لوگوں کو آمد و رفت میں سہولت ہو۔ واضح ہو کہ بارش کے بعد آبی سطح میں اضافے سے لوگوں کے لئے گاؤں کے باہر نکلنا مشکل ہو گیا ہے۔
