خطہ چناب کے ضلع ڈوڈہ کے بلاک مرمت کی پنچائت مُٹھی اے میں پنچائتی نمائندگان اور محکمہ دیہی ترقی کے افسران کے درمیان ایک اہم اِجلاس منعقد ہوا۔
اس اجلاس میں محکمہ کے تحت جاری ترقیاتی کاموں و دیگر عوامی مسائل پر بات چیت کی گئی۔ اِجلاس میں مذکورہ پنچائت کی خاتون سرپنچ رجنی دیوی نے علاقہ سے منسلک عوامی مسائل کے جلد ازالہ کے لئے محکمہ پر زور دیا اور بتایا کہ منریگا کے تحت تمام جاب کارڈ ہولڈرس کی واجج رقومات کو واگزار کیا جائے۔
اِجلاس میں مقامی باشندہ بلبیر سنگھ نے کہا 'پنچائت کے اندر تمام ترقیاتی کاموں کو محکمہ ایمانداری کے ساتھ انجام دے اور اثر رسوخ کے بجائے مستحق افراد کو اُن کا حق دیا جائے'۔
یہ بھی پڑھیے
سنہ 2020 میں عسکری واقعات میں کمی: وزارت داخلہ
انہوں نے کہا کہ پنچائت میں کمیونٹی ہال کی تعمیر ایسی جگہ کی جائے، جہاں تمام لوگوں کی رسائی آسانی سے ممکن ہو سکے۔ اجلاس میں ترقیاتی کاموں کے حوالے سے پنچائتی نمائندگان کی طرف سے مکمل تفصیلی خاکہ پیش کیا گیا۔
