ڈوڈہ: سڑک حادثے میں ایک شخص ہلاک

جموں و کشمیر کے پہاڑی ضلع ڈوڈہ میں سڑک حادثے کے دوران ایک شخص کی موت واقع ہو گئی۔

ضلع ڈوڈہ کے چلی روڈ پر منگل کی صبح ایک ایکو گاڑی سنوارہ کے مقام پر سڑک سے لڑھک کر گہری کھائی میں جا گری، جس کے نتیجے میں گاڑی ڈرائیور کی موقع پر ہی موت واقع ہو گئی۔

فوت ہوئے شخص کی شناخت بھلیسہ کے رہنے والے سجاد حسین کے طور پر ہوئی ہے۔ حادثے کی خبر ان کے گھر پہنچتے ہی کہرام مچ گیا۔

اس ضمن میں ڈوڈہ پولیس نے معاملہ درج کر کے مزید کارروائی شروع کر دی ہے۔

وہیں حادثے میں ہلاک ہوئے شخص کو بعد دوپہر پر نم آنکھوں کے ساتھ سپرد خاک کیا گیا۔