معذور بھٹو لون کی انتظامیہ سے اپیل

دونوں پیروں سے معذور بھٹو لون کو سنہ 2016 میں سوشل ویلفئیر کی جانب سے اسکوٹی دی گئی تھی۔ لیکن یہ اسکوٹی 2018 میں چوری ہو گئی تھی جس کی وجہ سے اب لون کو بارش اور برفباری میں چلنے پھرنے میں کافی مشکلات کا سامنا کرنا پڑرہا ہے۔ انھوں نے انتظامیہ سے اسکوٹی فراہم کرنے کی اپیل کی ہے۔

ضلع ڈوڈہ کے دور دراز پہاڑی علاقہ گُرمل سے تعلق رکھنے والے بھٹو لون دونوں پیروں سے مکمل طور پر معذور ہیں۔ معذوری کی وجہ سے ہر موسم میں اور خاص کر برفباری کے دوران بھٹو لون کو کافی مشکالات کا سامنا کرنا پڑتا ہے۔

بھٹو لون نے بتایا کہ وہ بہت مشکلات سے دوچار ہے۔ رواں برس موسم کے دوران بارش اور برفباری میں اُن کا چلنا پھرنا مشکل ہو جاتا ہے۔ پیٹ کی بھوک مٹانے کے لیے انہیں در در کی ٹھوکریں کھانی پڑتی ہیں۔

بھٹو نے بتایا کہ سال 2016 میں اُن کو سوشل ویلفئیر کی طرف سے چلنے کے لیے اسکوٹی دی گئی تھی، جس کے بعد وہ ایک جگہ سے دوسری جگہ آسانی سے چلے جاتے تھے لیکن چوروں نے سال 2018 میں ان کا یہ سہارا چوری کرکے بے سہارا کر دیا۔

لون نے مزید کہا کہ اسکوٹی چوری کی اطلاع پولیس کو دی تھی۔ اُنہوں نے تلاش کرنے کی کوشش بھی کی لیکن چور پولیس کے ہاتھ نہیں آئے۔ تب سے وہ انتہائی مشکلات سے دوچار ہیں۔

بھٹو لون نے ضلع انتظامیہ ڈوڈہ و محکمہ سماجی بہود کے افسران سے اسکوٹی فراہم کرنے کا مطالبہ کیا ہے تاکہ ان کی پریشانیوں کا کچھ حد ازالہ ہو سکے۔