ضلع ڈوڈہ میں پچھلے چند روز سے کورونا وائرس کے یومیہ مثبت معاملات میں تیزی سے اضافے ہو رہا ہےDoda Covid Cases، جہاں مثبت معاملات میں اضافے کے سبب لوگوں میں تشویش پائی جا رہی ہے، وہیں انتظامیہ کی جانب سے کورونا ایس او پیز پر عمل کرنے کی تلقین کی جا رہی ہے۔
چیف میڈیکل آفیسر ڈوڈہ (سی ایم او ڈوڈہ) ڈاکٹر یعقوب میر نے پریس کانفرنس کے دوران ضلع میں کورونا کے یومیہ مثبت معاملات CMO Doda on Covid Scenarioکے حوالے سے تفصیلات فراہم کرتے ہوئے کہا کہ ضلع میں کورونا مثبت کیسز میں اضافے کے باوجود حالات قابو میں ہیںCoronavirus in Doda۔
انہوں نے عوام الناس سے کورونا کے پھیلائو کو روکنے کے لیے وضع کیے گئے رہنما خطوط کی پاسداری عمل میں لانے کی تلقین کرتے ہوئے کورونا مخالف ٹیکہ لگانے کی بھی اپیل کی۔
سی ایم او ڈوڈہ نے کہا کہ کورونا کی تیسری لہر کے دوران مثبت افراد زیادہ تر گھریلو قرنطینہ میں ہی شفایاب ہو رہے ہیں، انتہائی کم مریضوں کو اسپتال میں داخلے کی ضرورت آن پڑتی ہے، انہوں نے کہا کہ اسکے باوجود ایس او پیز پر عملدرآمد انتہائی ناگزیر ہے۔
سی ایم او نے مزید کہا کہ ضلع میں 15 سے 17 سال کی عمر کے افراد کی ویکسینیشن جاری ہے اور اب تک 56 فیصد ویکسینیشن مکمل ہو چکی ہے۔ انہوں نے نوجوانوں سے از خود سامنے آکر کورونا مخالف ویکسین کی خوراک لینے کی اپیل کی۔ وہیں انہوں نے والدین سے بھی اپنے بچوں کی ویکسینشین کو یقینی بنائے جانے پر بھی زور دیا۔
