ضلع ڈوڈہ میں بھی پیر کے صبح ہفتہ وار کورونا کرفیو میں توسیع کے بعد بندشوں کو اگلے ایک ہفتہ تک کے لیے بڑھا دیا گیا، لیکن آج صبح سے ہی گاؤں سے گاڑیاں شہر کی طرف سواریاں لے کر چلنی شروع ہو گئی اور نزدیک چیک پوسٹ پر گاڑیوں کو کھڑی کرتے ہوئے پایا گیا۔وہاں سے لوگ اپنے کام پر نکل گئے۔
ضلع انتظامیہ کی طرف سے آج کورونا کرفیو میں قدرے ڈھیل دی گئی، عید الفطر اور زرعی سرگرمیوں کو مد نظر رکھتے ہوئے لوگوں کو چلنے کی اجازت دی گئی۔ڈوڈہ کے نگری گھٹ روڈ پر پولیس کی طرف سے کورونا کرفیو کو یقینی بنانے کے لئے چیک پوائنٹ قائم کیا گیا ہے۔
جہاں سے صرف اُن ہی لوگوں کو آگے جانے کی اجازت دی جا رہی ہے، جس کی اجازت کورونا کرفیو کے نفاذ کے لئے جاری حکم نامہ میں دی گئی ہے۔ ایک پولیس آفیسر نے بتایا کہ کورونا وبا نے شدّت اختیار کر لی ہے۔
پہلی لہر سے لوگوں میں ضرور ڈر خوف پھیلا تھا اور کم تعداد میں لوگوں کی یہاں اموات ہوئی تھیں، لیکن اس دوسری لہر نے سب کو جھنجھوڑ کر رکھ دیا ہے۔
ہر روز موت کا رقص جاری ہے۔اس لئے لوگوں کو اس بات کا احساس ہونا چاہیے کہ ہماری لاپرواہی سے اس وائرس کو پھیلنے میں مدد مل رہی ہے، اس لئے اپنے دائر حدود کو کم کریں، کم سے کم گھر چھوڑ کر باہر نہ نکلیں۔
