جموں و کشمیر، ضلع ڈوڈہ کے بلاک بھاگواہ کے مقامی باشندوں نے محکمہ دیہی ترقی پر رشوت لینے کا الزام عائد کیا ہے، مقامی لوگوں نے کہا کہ پردھان منتری آواس اسکیم کے تحت غریب لوگوں سے رشوت لی جارہی ہے، جس کی وجہ سے غریب لوگوں کو کافی مشکلات کا سامنا کرنا پڑتا ہے۔
محکمہ دیہی ترقی پر رشوت خوری کا الزام
گاوں کے ایک شخص نے کہا کہ آر ڈی ڈی کی جانب سے پنچایت منجمی کی طرح بلاک بھاگواہ کی دیگر پنچایتوں میں بھی زمینی سطح پر کوئی کام نہیں کیا گیا ہے، جبکہ محکمہ کے لوگ فرضی طور پر رقومات نکال کر سرکاری خزانے کو لوٹ رہے ہیں۔
اس شخص نے مزید کہا کہ پی ایم اے وائی اسکیم پر لوگوں سے کافی زیادہ رقم وصولی جارہی ہے، اور ان سے یہ کہا جارہا ہے کہ رقومات اسی صورت میں واگزار کی جائے گی جب تک پہلے کچھ رقم مستحق افراد واگزار نہیں کرتے ہیں، اسی طرح کے معاملات بلاک کاستی گڑھ اور دیگر بلاک میں بھی پیش آئے تھے۔
