وزارت داخلہ نے 'زوم ایپ' کو غیرمحفوظ قرار دیا

سائبر کوآرڈینیشن سینٹر کے مطابق زوم ایپ محفوظ نہیں ہے جبکہ محکمہ نے سرکاری ملازمین کو اس کا استعمال نہ کرنے کا مشورہ دیا ہے۔

کورونا وائرس سے نمٹنے کے لیے ملک بھر میں لاک ڈاون کے پیش نظر سرکاری محکموں کی جانب سے ویڈیو کانفرنس کے لیے زوم ایپ کو استعمال کیا جا رہا تھا لیکن وزارت داخلہ کے سائبر کوآرڈینیشن سینٹر نے اس ایپ سے گریز کرنے کی ہدایت جاری کی ہے۔

واضح رہے کہ قبل ازیں انڈین کمپیوٹر ایمرجنسی رسپانس ٹیم نے بھی یہی مشورہ دیا تھا۔

محکمہ کے مطابق زوم میٹنگ پلیٹ فارم محفوظ نہیں ہے اور سرکاری افسروں کو سرکاری کام کاج کے لیے اس کا استعمال نہیں کرنا چاہئے۔