سی پی آئی (ایم) کے جنرل سکریٹری ستارام یچوری نے این سی پی کے سربراہ شرد پوار سے ملاقات کے بعد صحافیوں کو بتایا کہ 'ہم کسانوں کی تحریک سے متعلق تمام پیشرفت پر نظر رکھ رہے ہیں۔ ہم سپریم کورٹ کا فیصلہ آنے کے بعد ہی کوئی قدم اٹھائیں گے۔
ان کے ساتھ موجود سی پی آئی کے جنرل سکریٹری ڈی راجہ نے کہا کہ 'یہ صرف ایک غیر رسمی ملاقات تھی۔ پوار صاحب نئے سال میں ممبئی سے یہاں آئے ہیں۔ ہاں، ہم نے کسانوں کی تحریک کے بارے میں بات کی ہے۔ اس معاملے میں سپریم کورٹ کا فیصلہ آنا ابھی باقی ہے، جس کے بعد ہمیں کسان یونین کے رد عمل کا انتظار کرنا چاہیے۔
دریں اثنا، زرعی قوانین کو چیلینج کرنے والی درخواستوں کی سماعت کے دوران سپریم کورٹ نے کسانوں سے بات چیت کرنے کے لیے مرکز کے طریقہ کار پر مایوسی کا اظہار کیا۔
مزید پڑھیں:
حل نہیں نکلا تو زرعی قوانین پر پابندی عائد کردیں گے: سپریم کورٹ
سپریم کورٹ نے کہا 'ہم نے کمیٹی تشکیل دینے کی تجویز پیش کی ہے، اگر حکومت ایسا نہیں کرتی ہے تو ہم زرعی قوانین کو نافذ نہیں کرنے دیں گے۔'
