قبلہ اول مسجد الاقصی کی بازیابی کے لیے گزشتہ 40 برسوں سے جمعۃ الوداع کے موقع پر بین الاقوامی سطح پر یوم القدس کے نام سے منایا جاتا ہے، تاہم رواں برس دنیا بھر میں پھیلی کرونا وائرس کی مہلک وبا کے باعث لاک ڈاؤن کی وجہ سے یوم القدس کے موقع اسرائیل اور امریکہ کے خلاف احتجاج نہیں کیا جا سکا۔
واضح رہے کہ جمعتہ الوداع کے موقع پر یوم القدس منایا جاتا ہے نیز مسجد الاقصی کی بازیابی کے لیے دنیا بھر میں احتجاج کی صدائیں بلند کی جاتی تھی لیکن اس برس جو حالات ہیں اسے دیکھتے ہوئے احتجاج کو منسوخ کر دیا گیا ہے۔
مرکزی قدس ریلی (دہلی) کے کنوینر مولانا سید جلال نقوی نے بتایا کہ 'مظلوم فلسطینی عوام کی آواز نہ پہلے کبھی دبی تھی اور نہ ہی کبھی دبے گی، ہم ہر برس دہلی کے جنتر منتر سے احتجاج کی صدائیں بلند کرتے تھے لیکن ملک کے حالات کو دیکھتے ہوئے اس برس ہم نے سوشل میڈیا کے ذریعے یوم القدس منانے کی اپیل کی ہے۔
قابل ذکر ہے کہ ایران کے رہنما آیت اللہ خامنہ ای نے سنہ 1979 میں ہر برس ماہ صیام کے آخری جمعہ کے روز منعقد کرنے کا اعلان کیا تھا
