قومی دارالحکومت سمیت ملک میں کرکٹ کی دیوانگی سر چڑھ کر بول رہی ہے، ایسے میں برہم پوری میں رہنے والے آٹو ڈرائیور محمد شاہد ان دنوں اپنے ایک اعلان کی وجہ سے سوشل میڈیا پر موضوع ہیں۔
ٹیم انڈیا کے عالمی چمپیئن بننے پر کرکٹ کے مداح محمد شاہد نے خوشی کے اظہار کا ایک انوکھا اعلان کیا ہے۔
شاہد جو پیشے سے آٹو ڈرائیور ہیں انہوں نے اپنی آٹو کی پشت پر ایک عبارت تحریر کی ہے کہ اگر ٹیم انڈیا عالمی چمپیئن بنتی ہے تو وہ اس موقع پر مسافروں کو ایک دن مفت میں سفر کرائیں گے۔
آٹو پر تحریر یہ عبارت لوگوں کی توجہ کا مرکز بنی ہوئی ہے اور لوگ ان کے اس اعلان اور کرکٹ سے ان کے جذباتی رشتے کی ستائش کر رہے ہیں۔
خیال رہے کہ انڈین کرکٹ ٹیم کے مداح شاہد کا یہ اعلان سوشل میڈیا پر خوب وائرل ہو رہا ہے۔
یاد رہے کہ سنہ 2011 میں جب ٹیم انڈیا عالمی چیمپیئن بنی تھی تب بھی محمد شاہد نے مسافروں کو ایک دن مفت سفر کرایا تھا، اس وقت لوگوں نے ان کے اس اقدام کی سراہنا کی تھی۔
