عالمی کتاب میلہ 4 سے 12 جنوری تک

عالمی کتاب میلے کا انعقاد 4 سے 12 جنوری تک دارالحکومت دہلی کے پرگتی میدان میں ہوگا جس کا افتتاح انسانی وسائل اور ترقی کے وزیر رمیش پوکھریال نشنک کریں گے۔

نیشنل بک ٹرسٹ کے صدر پروفیسر گووند پرساد شرما نے صحافیوں کو بتایا کہ 'اس مرتبہ میلے کی تھیم ’مہاتما گاندھی: ادیبوں کے ادیب‘ ہوگی۔'

میلے میں 600 پبلشروں کے 1300 سے زائد اسٹال ہوں گے اور 23 ممالک حصہ لیں گے۔

شرما نے بتایا کہ پرگتی میدان میں تعمیر کا کام جاری رہنے کے سبب لوگوں کو پریشانی کا سامنا کرنا پڑے گا اس لیے کسی مہمان ملک کو مدعو نہیں کیا گیا ہے۔