راجیہ سبھا میں مودی کی تقریر کے کچھ الفاظ ریکارڈ سے خارج

ایک غیرمعمولی اقدام کے تحت راجیہ سبھا میں وزیراعظم کی جانب سے کی گئی تقریر کے کچھ الفاظ کو ریکارڈ سے خارج کردیا گیا ہے۔

راجیہ سبھا کے چیرمین ایم وینکیا نائیڈوں نے صدر کے خطبہ پر اظہار تشکر تحریک کے جواب میں مودی کی جانب سے کی گئی تقریر کے کچھ الفاظ کو ریکارڈ سے خارج کردیا ہے۔

راجیہ سبھا میں 6 فروری کی کاروائی کے دوران وزیراعظم نے تقریر کی تھی جس کے کچھ الفاظ کو چیرمین نے ریکارڈ سے خارج کرنے کا حکم دیا ہے۔

کسی رکن کی تقریر کے الفاظ کو خارج کرنے کی کاروائی عام بات ہے لیکن وزیراعظم مودی کی تقریر کے الفاظ کو ریکارڈ سے نکالنا شاذ و نادر ہی ہوا ہے۔

واضح رہے کہ تقریر کے دوران این پی آر پر کئے گئے مودی کے تبصرہ کے کچھ الفاظ کو ریکارڈ سے خارج کردیا گیا ہے۔

ایم وینکیا نائیڈو نے مزید کاروائی کرتے ہوئے اپوزیشن اور کانگریس کے رہنما غلام نبی آزاد کی تقریر سے بھی ایک لفظ کو خارج کیا ہے۔