عآپ پر ہتک عزت کا مقدمہ درج کریں گے: ہنس راج ہنس

دہلی کے شمال مغربی پارلیمانی حلقے سے بھارتیہ جنتا پارٹی کے امیدوار ہنس راج ہنس نے کہا کہ 'ان کی شبیہ کو خراب کرنے کے الزام میں وہ عام آدمی پارٹی کے رہنما کے خلاف ہتک عزت کا کیس دائر کریں گے۔'

گذشتہ روز عام آدمی پارٹی نے بی جے پی کے امیدوار ہنس راج ہنس پر الزام عائد کیا تھا کہ انہوں نے مذہب اسلام قبول کیا ہے، اس لیے وہ دہلی کی شمال مغربی پارلیمانی سیٹ سے انتخاب لڑنے کے اہل نہیں ہو سکتے چونکہ یہ سیٹ درج فہرست ذات (ایس سی) کے لیے مختص ہے۔

ہنس راج ہنس نے کہا کہ'جھوٹے آدمی نے پھر جھوٹ بولا۔ گندگی کی علامت کو اجاگر کرنے والی شخصیت کو دیکھنا ہے تو وہ (اروند) کیجریوال ہے۔ ہتک عزت کا کیس کریں گے اور ایس ؍ ایس ٹی کا قانون لگائیں گے۔'