نئی دہلی: بلقیس بانو کی جنسی زیادتی اور ان کے خاندان کے سات افراد کے قتل کے گیارہ قصورواروں کو گجرات کی بی جے پی حکومت کی جانب سے رہا کرنے پر ملک بھر میں سخت ردعمل كا اظہار كیا جا رہا ہے۔ welfare party of india strongly react over gujrat govt
اسی درمیان ویلفیئر پارٹی اف انڈیا نے بلقیس بانو کی جنسی زیادتی اوران کے اہل خانہ کےسات افراد کے قتل کے گیارہ مجرمین کی گجرات حکومت کے ذریعہ معافی دے کر رہارکرنے پر سخت برہمی کا اظہار کیا اور کہا کہ ملک میں لاقانونیت کا راج ہے۔
ویلفئر پارٹی آف انڈیا کے دہلی صدر اور اتر پردیش کے انچارج سراج طالب نے ای ٹی وی بھارت سے خاص بات چیت کے دوران کہا کہ ملک کے جو حالات ہیں، اس سے ظاہر ہوتا ہے کہ ملک میں قانون نام کی کوئی چیز نہیں ہے۔ خطرناک سے خطرناک مجرمیں کو رہا کیا جا رہا ہے اور مسلم و دلت اور پسماندہ طبقات کے لوگوں کو چھوٹی سے چھوٹی غلطی میں جیل کے اندر ڈال دیا جاتا ہے اور جو بھی بولنے کی جرات کرنے کی کوشس کرتا ہے اس کے خلاف ای ڈی کی کارروائی شروع کردی جاتی ہے۔
سراج طالب نے کہا کہ ویلفیر پارٹی آف انڈیا ملک کی لاقانونیت کے خلاف 19 سے 21 اگست تک دستخطی مہم چلا رہی ہے اور ملک میں قانون کی بالا دستی قائم کرنے کے لیے صدر جمہوریہ کو میمورنڈم دیا جائے گا۔
