کورونا وائرس اور شدید گرمی کے باوجود ان دنوں جدید قبرستان اور آئی ٹی او کے آس پاس کے علاقے میں پانی کے زبردست بحران کا سامنا ہے ۔
حالت یہ ہے کہ مردہ کو دفن کرنے آنے والے افراد کو بھی پینے کا پانی میسر نہیں ہورہا ہے۔
مقامی افراد کا کہنا ہے کہ بار بار شکایات کے باوجود دلی جل بورڈ کی جانب سے کوئی کارروائی نہیں کی گئی۔
جدید قبرستان اور اس سے متصل علاقے میں رہنے والے افراد بھی فی الحال پانی کی قلت سے پریشان ہیں ۔
خیال رہے کہ دہلی گیٹ قبرستان کے آخری حصے کو کووڈ ۔19 سے مرنے والے افراد کو یہاں دفنایا جائے گا۔
قبرستان میں موجود پینے کے پانی کے ٹینک کو بورنگ کے پانی سے بھرا جارہا ہے ، جس کی وجہ سے لوگوں کو پانی کی پریشانی کا سامنا کرنا پڑ رہا ہے۔
قبرستان کے منشی مشکور نے الزام لگایا ہے کہ یہاں ڈیڑھ ماہ سے زیادہ کا عرصہ گزر چکا ہے ، لیکن یہاں دہلی جل بورڈ کے پانی کی فراہمی نہیں ہے، جس کی وجہ سے نہ صرف قبرستان بلکہ آس پاس کے علاقے میں رہنے والے لوگوں کو بھی پریشانی کا سامنا کرنا پڑ رہا ہے۔
جب کہ حاجی رئیس احمد کا کہنا ہے کہ انہوں نے دہلی جل بورڈ کے عہدیداروں کے ساتھ ساتھ مقامی رکن اسمبلی کو بھی آگاہ کیا لیکن کوئی کارروائی عمل میں نہیں آئی۔
