نائب صدر جمہوریہ ایم وینکئیا نائیڈو نے بیماریوں سے نمٹنے کےلئے غذائیت سے پُر کھانے اور روزانہ ورزش پر زور دیتے ہوئے کہا کہ صحت مند رہنے کےلئے موسم کے مطابق کھانے کے لئے پرغذا ضروری ہے۔
صدر جمہوریہ نے سوشل نیٹ ورکنگ ویب سائٹ پر فیس بک پر لکھے ایک مضمون میں کہا ہے کہ بھارت اور دنیا کے دیگر ملک بھی کووڈ 19کی وبا سے دوچار ہیں۔ ایسے میں وزیراعظم نریندر مودی کا لوگوں سے ہر روز کم از کم آدھا گھنٹہ اپنی فٹنیس پر توجہ دینے کی اپیل متعلقہ اور لازمی ہے۔
نائب صدر جمہوریہ نے کہا،’’ہمیں ان کا دیا ہوا منتر‘ فٹنیس کی ڈوز، آدھا گھنٹہ روز‘ اپنی روزمرہ کی زندگی میں اختیار کرنا چاہئے، صحیح فٹنیس نظام کو زندگی میں باقاعدہ طور پر اپنانے سے انسان کی مکمل زندگی میں خوشحالی آسکتی ہے۔‘‘
انہوں نے لکھا ہے کہ دیگر کئی سبق کی طرح اس وبا نے ہمیں جسمانی اور ذہنی صحت کی اہمیت بھی سکھائی ہے، متوازن غذا کے ساتھ ساتھ فٹنیس، ہمیں امراض سے پاک رکھنے کے لئے ضروری ہے، وقت کی مانگ ہے کہ ہم صحت اور فٹ رہیں، یہ نہ صرف ہمیں بیماری سے بچائے گا بلکہ ہمیں اپنے کام کرپانے کے قابو بھی بنائے رکھےگا۔
