ریاست کی خواتین کمیشن کی چیئر پرسن بیملہ باتھم نےخواتین پر ہونے والے مظالم کی روک تھام اور مظلوم خواتین کو جلد انصاف کی فراہمی کے پیش نظر کلکٹریٹ کے آڈیٹوریم میں عوامی سماعت اور اجلاس منعقد کیا۔
خواتین کمیشن کی چیئر مین نے متعلقہ افسران کو ضروری ہدایات دییں اور کہا کہ خواتین پر مظالم اور استحصال کو روکنے کی خصوصی کوشش کی جائے اور ایسے افراد کے خلاف سخت ترین قانونی کارروائی کی جائے تاکہ کسی بھی عورت کو ہراساں نہ کیا جاسکے۔
انہوں نے متعلقہ محکموں کا جائزہ لیتے ہوئے کہا کہ ریاستی حکومت کے زیرانتظام چلنے والی اسکیموں خواتین کی بے سہارا پنشن ، ضعیفہ پنشن ، شادی بیاہ گرانٹ وغیرہ کے سلسلے میں متعلقہ عہدیداروں کو ہدیت دی کہ اسکیم کے فوائد ہر مستحق افراد کو میسر ہوں۔
اس اجلاس میں ایڈیشنل ڈسٹرکٹ مجسٹریٹ ایڈمنسٹریشن دیواکر سنگھ ، ایس پی رورل ، ڈسٹرکٹ پروبیشن آفیسر اتول سونی ، وومین پولیس اسٹیشن کی ایس ایچ او اور دیگر متعلقہ محکمہ جاتی افسران نے شرکت کی۔
