کانگریس نے بدھ کو اتر پردیش اسمبلی انتخابات کے لیے 89 امیدواروں کی تیسری فہرست جاری کی، جس میں 37 خواتین امیدوار بھی شامل ہیں۔ پارٹی کی جانب سے جاری کی گئی امیدواروں کی تیسری فہرست میں بھی پہلی اور دوسری فہرست کی طرح خواتین کی حصہ داری 40 فیصد ہے۔Congress Releases 3rd List of 89 Candidates Including 37 Women
کانگریس نے اتر پردیش میں اب تک کل 255 امیدواروں کا اعلان کیا ہے، جن میں کل 103 خواتین کو ٹکٹ دیا گیا ہے۔ کانگریس کی تیسری فہرست کے مطابق بیہٹ سے پونم کمبوج، بجنور سے اکبری بیگم، نور پور سے بالا دیوی سینی اور ہاتھرس سے سروج دیوی کو ٹکٹ دیا گیا ہے۔ ان کے علاوہ کئی اور خواتین کو بھی امیدوار بنایا گیا ہے۔
واضح رہے کہ 20 جنوری کو پارٹی نے41 امیدواروں کی دوسری فہرست جاری کی تھی جس میں 16 خواتین امیدوار شامل تھیں۔ اس سے قبل پارٹی نے 13 جنوری کو 125 امیدواروں کی پہلی فہرست جاری کی تھی اور 50 خواتین کو ٹکٹ دیا گیا تھا۔
