مرکزی کابینہ کا اجلاس بدھ کے روز ہوگا، اور امید کی جارہی ہے کہ اس اجلاس میں کچھ اہم فیصلے کیے جائیں گے۔ یہ اجلاس وزیر اعظم کی رہائش گاہ سات لوک کلیان مارگ پر ہوگا۔
مرکزی کابینہ نے آخری بار 8 جولائی کو اجلاس کیا تھا، اس وقت کابینہ نے آجر اور ملازم کے پی ایف شراکت کی ادائیگی کے لیے اسکیم کو اگست تک بڑھانے کی تجویز کو منظوری دی تھی۔
کابینہ نے پردھان منتری غریب کلیان انا یوجنا میں مزید پانچ ماہ کی توسیع کی بھی منظوری دی ہے جس کے تحت 81 کروڑ افراد میں 203 لاکھ ٹن اناج تقسیم کیا جائے گا۔
وزیر خزانہ نرملا سیتارامن نے مئی میں پردھان منتری غریب کلیان یوجنا کے تحت اسکیم کو اگست تک تین ماہ کے لیے بڑھانے کا اعلان کیا تھا، جہاں حکومت کو پی ایف کے شراکت میں 24 فیصد حصہ اگست تک ادا کرنا ہوگا ، جس سے 3.67 لاکھ آجروں اور 72.22 لاکھ ملازمین کو ریلیف ملے گا۔
کابینہ نے پردھان منتری آواس یوجنا کے تحت سب سکیم کے طور پر شہری تارکین وطن یا غریبوں کے لیے سستی رینٹل ہاؤسنگ کمپلیکس (اے ایچ آر سی) کی ترقی کو بھی منظوری دی تھی۔
