جنوبی مغربی دہلی (South West Delhi) کے دہلی کینٹ علاقے میں تعینات دو پولیس اہلکاروں پر دو سگی بہنوں نے جنسی زیادتی کا الزام عائد کیا ہے۔
پولیس نے دونوں پولیس اہلکاروں کو گرفتار کرلیا ہے۔ اس معاملے کی تصدیق ڈی سی پی ساؤتھ ویسٹ انگت پرتاپ سنگھ نے کی ہے۔
یہ معاملہ دو دن پرانا بتایا جارہا ہے۔ متاثرہ دونوں بہنیں ساگر پور کے علاقے میں رہائش پذیر ہیں۔
انہوں نے دو پولیس اہلکاروں پر اجتماعی جنسی زیادتی کرنے کا الزام عائد کیا ہے۔ اس معاملے میں لڑکیوں کی شکایت پر دہلی کینٹ پولیس اسٹیشن کے اہلکاروں نے جنسی زیادتی کا کیس درج کیا ہے۔
پولیس کا کہنا ہے کہ اس معاملے میں مزید تفتیش کی جارہی ہے۔ معاملہ جنسی زیادتی کا ہے یا نہیں ابھی اس کی تصدیق نہیں ہوسکی ہے۔ دونوں متاثرہ لڑکیوں کے مجسٹریٹ کے سامنے 164 کے تحت بیانات بھی لیے جائیں گے۔ اس معاملے میں دونوں پولیس اہلکاروں کو گرفتار کرلیا گیا ہے۔ وہیں پولیس یہ جاننے کی کوشش کر رہی ہے کہ یہ واقعہ شمشان گھاٹ کے اندر ہوا یا باہر۔
لڑکیوں نے جس شمشان گھاٹ (Graveyard) کا ذکر کیا ہے، وہ دہلی کینٹ پولیس اسٹیشن کے علاقے ساگر پور کالونی میں آتا ہے۔ پولیس لڑکیوں کے مقام کے آس پاس سی سی ٹی وی فوٹیج بھی چیک کررہی ہے، تاکہ واقعے کے بارے میں کچھ ثبوت مل سکے۔
یہ بھی پڑھیں: غازی آباد: 14 سال کا لڑکا جنسی زیادتی کے الزام میں گرفتار
