منشیات کنٹرول بیورو (این سی بی) نے ہفتہ کے روز نئی دہلی کے اندرا گاندھی بین الاقوامی ہوائی اڈہ سے دو غیر ملکی شہریوں کو 22 کروڑ روپے کی ہیروئن کے ساتھ گرفتار کیا ہے۔
ملزمان کی شناخت ملپائی جوشوا اور میمبی ولیم کے نام سے ہوئی ہے۔ دونوں زیمبی شہری ہیں۔
عہدیداروں کے مطابق ملزمین کو آج صبح اندرا گاندھی بین الاقوامی ہوائی اڈے کے ٹرمینل III میں روانگی کے دوران روکا گیا جب ان کے رویے سے سکیورٹی اہلکاروں میں شکوک و شبہات پیدا ہوگئے۔
سکیورٹی چیک کے دوران وہاں سے تقریبا 5.35 کلو ہیروئن ضط کی گئی جس کی قیمت 22 کروڑ روپے ہے۔
عہدیداروں نے بتایا کہ یہ دونوں دبئی سے یہاں آئے تھے، انہوں نے مزید بتایا کہ دونوں کو مزید تفتیش کے لئے کسٹم حکام کے حوالے کردیا گیا ہے۔
