سپریم کورٹ نے جیل میں بند قیدیوں کے انسانی حقوق کی مبینہ خلاف ورزی کے معاملہ میں بدھ کو مرکزی حکومت سے پوچھا کہ ملک بھر کی جیلوں میں خالی اسامیوں اور قیدیوں کے بوجھ سے نمٹنے کے لیے وہ کیا قدم اٹھا رہی ہے۔
چیف جسٹس شرد اروند بوبڈے کی صدارت والی بینچ نے مرکزی حکومت کو جسٹس امت راؤ کمیٹی کی رپورٹ پر دو ہفتہ میں جواب داخل کرنے کی ہدایت بھی دی۔
مزید پڑھیں: 'بی جے پی، دہلی پولیس کا استعمال کررہی ہے'
جسٹس بوبڈے نے کہا 'ہم جانتے ہیں کہ جیلوں میں قیدیوں کا اضافی بوجھ سيدھے اور براہ راست عدالتوں میں زیر التوا معاملوں سے منسلک ہے اور جیلوں میں خالی اسامیوں اور گنجائش سے زیادہ قیدیوں کے معاملہ سے ہمیں نمٹنا ضروری بھی ہے۔'
