اس کتاب کو بنانے والے شخص اپورو شاہ نے ای ٹی وی بھارت کو بتایا کہ 'انہوں نے یہ کتاب سنہ 2019 میں بنائی تھی اور اس کتاب کا وزن وزیر اعظم مودی کے جتنا 77 رکھا گیا ہے۔ اس کے ساتھ ہی اس کتاب کی لمبائی وزیر اعظم جتنی 5.7 رکھی گئی ہے۔'
اس کتاب میں وزیر اعظم کی زندگی سے منسلک کئی اہم باتوں کو لکھا گیا ہے۔
اپورو شاہ کا کہنا ہے کہ 'وزیر اعظم مودی پر کئی کتابیں لکھی گئی ہیں لیکن یہ دنیا کی پہلی کتا ب ہے جس کا وزن اور لمبائی وزیر اعظم مودی کے برابر ہے، اسلیے اس کتاب کا نام انڈیا بک آف ریکارڈ میں بھی درج ہے۔'
اس کے ساتھ ہی اس ورلڈ بک فیئر میں وزیر اعظم مودی کی اس کتاب کو لے کر لوگوں میں خوب دلچسپی دیکھنے کو مل رہی ہے، کتاب کے چھوٹے نمونے بھی رکھے گئے ہیں، جسے لوگ خرید بھی سکتے ہیں۔
اس کتاب کو خریدنے کے لیے آئے ارتھ والیا نے بتایا کہ 'وہ وزیر اعظم مودی کے کاموں اور ان کے نظریات سے بہت متاثر ہیں، ہمارے ملک کے وہ ایک مایہ ناز وزیر اعظم ہیں، اسلیے وہ کتاب خرید رہے ہیں۔'
