دہلی کی کڑکڑڈوما عدالت آج شمال مشرقی دہلی کے موج پور علاقے میں ہیڈ کانسٹیبل پر ریوالور سے گولی چلانے کے ملزم شاہ رخ پٹھان سمیت پانچ ملزمین کے خلاف درج مقدمے کی سماعت کرے گی۔ ایڈیشنل سیشن جج امیتابھ راوت اس معاملے کی سماعت کریں گے۔
Additional Sessions Judge Amitabh Rawat
30 جولائی کو سماعت کے دوران ریوالور کی تصویر لینے والے صحافی سوربھ ترویدی نے اپنا بیان ریکارڈ کرایا، سوربھ ترویدی کی جرح نہیں ہو سکی، سوربھ ترویدی نے 7 مئی کو بھی اپنا بیان ریکارڈ کرایا تھا۔ 24 دسمبر 2021 کو عدالت نے ملزمان کے خلاف الزامات طے کیے تھے، عدالت نے قتل کی کوشش فسادات اور غیر قانونی ہجوم کا حصہ بننے کی دفعات کے تحت الزامات طے کیے تھے۔
شاہ رخ پٹھان کے علاوہ جن ملزمان کے خلاف عدالت نے فرد جرم عائد کی ان میں سلمان، گلفام، عطر اور اسامہ شامل ہیں۔
مزید پڑھیں:Delhi Riots Shahrukh Pathan Case: دہلی فسادات معاملے میں ملزم شاہ رخ پٹھان کے خلاف الزامات طے
شاہ رخ کو 3 مارچ 2020 کو اتر پردیش کے شاملی سے گرفتار کیا گیا تھا، دہلی پولیس نے ان کے گھر سے ہی اس کا ریوالور برآمد کیا تھا، پولیس نے اس کے مکان سے تین کارتوس بھی برآمد کیے تھے۔ دہلی پولیس نے شاہ رخ کا موبائل فون بھی برآمد کیا ہے۔ دہلی تشدد کے دوران ہیڈ کانسٹیبل دیپک دہیا کی طرف ریوالور کی طرف اشارہ کرتے ہوئے شاہ رخ کی تصویر بھی کافی وائرل ہوئی تھی۔ آپ کو بتاتے چلیں کہ فروری 2020 میں ہونے والے تشدد میں کم از کم 53 افراد ہلاک اور دو سو کے قریب زخمی ہوئے تھے۔
