ہندو سینا کا شاہین باغ پر ہنگامہ

ملک میں جہاں شہریت ترمیمی قانون کے خلاف احتجاج ہو رہے ہیں۔ وہیں شاہین باغ میں بھی شہریت ترمیمی قانون کے خلاف پر زور احتجاج جاری ہے۔

اس دوران آج شاہین باغ میں ہندو سینا کی جانب سے شاہین باغ کے بند کیے گیے راستے کو کھلوانے کے لیے ہنگامہ کیا گیا۔

غور طلب ہے کہ شہریت ترمیمی قانون جب سے اس ملک میں نافذ ہوا ہے تب سے ملک بھر میں لگاتار احتجاجی مظاہرے ہو رہے ہیں اور اسی تناظر میں ملک کے دارالحکومت دہلی میں واقع شاہین باغ میں بھی قریب دو ماہ سے احتجاجی مظاہرے ہو رہے ہیں اور مطاہرین کی جانب سے سڑک کو بند کر دیا گیا ہے۔

آج ہندو سینا کے کارکنان شاہین باغ پہنچے اور شاہین باغ کے راستے کھلوانے کی کی کوشش کی۔

ہندو سینا پہنچی شاہین باغ

شاہین باغ میں ہندو سینا کی جانب سے جے شری رام جیسے نعرے لگائے گئے اور کیجریوال حکومت کی پرزور مخالفت کی جا رہی ہے۔