دہلی پولیس نے بتایا ہے کہ دہلی پولیس نے خاص طور پر مولانا سعد کے صاحبزادہ سے مرکز نظام الدین کے اندر کام کرنے والے 20 لوگوں کی گمشدگی سے متعلق سوالات پوچھے۔
پولیس ذرائع نے بتایاکہ وہ لوگ جو مرکز نظام الدین میں کام کرتے ہیں اور وہ وفود کی دیکھ بھال کرتے ہیں، ان کی تعداد تقریباً 20 ہے، وہ سب جماعت کے خلاف دائر مقدمہ کے وقت سے غائب ہیں۔
انہیں اندیشوں کو بنیاد بناکر دہلی پولیس نے آج مولانا سعد کے بیٹے سعید سے پوچھ تاچھ کی۔
میڈیا میں آئی رپورٹ کے مطابق سوال جواب میں سب سے زیادہ پوچھ تاچھ ان بیس لوگوں کے غائب ہونے سے متعلق کی گئی ہے۔
پولیس کو پتہ چلا ہے کہ جو لوگ غائب ہوئے ان کے بارے میں ٹریول ایجنٹس نے معلومات دی ہے۔ ان کے فون ریکارڈس اور ای میل کے ذریعہ اہم معلومات ملی ہیں۔
پولیس کے مطابق مولانا سعد کے بیٹے کو پوچھ گچھ کے لیے اس لیے بلایا گیا کیوں کہ وہ جماعت کی سرگرمیوں میں شامل ہیں۔ ان سے جماعت کے کام کاج اور مرکز کے تعلق سے دیگر سوالات بھی پوچھے گئے۔
