عدالت نے بیرون ممالک میں پھنسے بھارتی شہریوں کو ملک واپس لانے پر مرکزی حکومت کے ذریعہ عائد کردہ پابندیوں میں مداخلت کرنے سے انکار کر دیا۔
چیف جسٹس ایس اے بوبڈے، جسٹس ایل ناگیشور راؤ اور جسٹس ایم ایم شانتا ناگودر کی بینچ نے بیرون ممالک میں رکنے والے بھارتی شہریوں سے اپیل کی ہے کہ 'جو جہاں ہیں وہیں رہیں۔'
عدالت نے کہا کہ 'انہیں ابھی واپس لانا ممکن نہیں ہوگا۔ عدالت نے سات عرضیوں پر مشترکہ طور پر سماعت کی جس میں برطانیہ، امریکہ، ایران اور دیگر خلیجی ممالک میں پڑھنے والے، کام کرنے والے، مزدوروں، ماہی گیروں اور بھارتی شہریوں کو وہاں سے نکالنے کی درخواست کی گئی ہے۔
اس دوران سالیسیٹر جنرل تشار مہتا نے یہ بھی کہا کہ 'اس بحران کے دوران لوگوں کو بھارت واپس لانا ناممکن ہے اور انہوں نے مرکزی حکومت کی جانب سے پہلے سے دائر حلف نامہ میں اس رخ کا اعادہ کیا ہے۔
مسٹر مہتا نے کہا کہ 'پوری دنیا میں لوگوں کو ویزا ایکسٹینشن مل رہا ہے۔ ہمارے حلف نامے میں میں نے واضح طور سے ذکر کیا ہے کہ یہ ابھی ممکن نہیں ہے۔'
