ورلڈ ٹوائلٹ ڈے ہر سال 19 نومبر کو منایا جاتا ہے۔ اس کو منانے کا مقصد لوگوں کو صفائی سے آگاہ کرانا ہے۔ موسمیاتی تبدیلی مسلسل بدتر ہوتی جارہی ہے۔ سیلاب، خشک سالی اور بڑھتی ہوئی سطح سے بیت الخلاء سے لے کر سیپٹک ٹینکوں اور ٹریٹمنٹ پلانٹوں تک صفائی کا نظام خطرے میں پڑ رہا ہے۔ اس سال اس کا موضوع پائیدار حفظان صحت اور ماحولیاتی تبدیلی ہے۔
تمام لوگوں کے پاس مستقل صفائی ہونی چاہئے، یہ لوگوں کا حق ہے۔ آب و ہوا کی تبدیلی کا سامنا کر سکے۔ اقوام متحدہ ہر سال ورلڈ ٹوائلٹ ڈے کے موقع پر ایک موضوع کا انتخاب کرتی ہے، تاکہ صفائی کی مناسب سہولیات کی ضرورت کے بارے میں عوامی شعور اجاگر کیا جاسکے۔
گزشتہ کچھ سالوں کے موضوعات میں گندہ پانی، بیت الخلاء اور ملازمتیں، بیت الخلا اور تغذیہ، مساوات اور وقار شامل ہیں۔
عالمی سطح پر ورلڈ ٹوائلٹ ڈے 19 نومبر کو عالمی سطح پر منایا جاتا ہے تاکہ لوگوں کو صفائی سے آگاہ کیا جاسکے۔ ٹوائلٹ کا عالمی دن ان سبھی لوگوں کے بارے میں شعور اجاگر کرنے کے لئے ہے جو ابھی تک بیت الخلا تک رسائی نہیں رکھتے ہیں۔
ورلڈ ٹوائلٹ ڈے کو 2001 میں ورلڈ ٹوائلٹ آرگنائزیشن نے نافذ کیا تھا۔ اس کے بعد 2013 میں اقوام متحدہ کی جنرل اسمبلی نے ورلڈ ٹوائلٹ ڈے کو اقوام متحدہ کا باضابطہ دن قرار دیا۔ اب بھی تین میں سے ایک شخص کو باقاعدگی سے ٹوائلٹ تک پہنچ نہیں ہے۔
مجموعی طور پر تقریباً 2.5 بلین افراد کو بیت الخلا تک باقاعدگی سے رسائی حاصل نہیں ہے۔ مناسب صفائی کو بنیادی حق قرار دیا گیا ہے۔ اس کی عدم موجودگی کی وجہ سے لوگوں میں متعدی بیماریوں کا پھیلاؤ بڑھ رہا ہے، جیسے ہیضہ، ٹائیفائڈ اور ہیپاٹائٹس۔ افریقہ کے کچھ حصوں میں بچوں میں دست کی وجہ سے سب سے زیادہ اموات ہوتی ہیں۔
وہیں ورلڈ ٹوائلٹ ڈے کے بغیر یہ جاننا مشکل ہوگا کہ صفائی ستھرائی کا مسئلہ کتنا اہم ہے۔ 2014 میں ورلڈ ٹوائلٹ ڈے کے موقع پر بھارت کو احساس ہوا کہ 60.4 فیصد سے زیادہ آبادی کو بیت الخلا تک رسائی حاصل نہیں ہے۔ یہ چونکا دینے والی بات ہے کیونکہ مناسب حفظان صحت کے فقدان کی وجہ سے اموات ہو رہی ہیں جن پر فوری توجہ دینے کی ضرورت ہے۔
